Եկեղեցուն և ժողովրդին իրար դեմ հանելով ոչ երկիր կպահես, ոչ էլ խաղաղություն կկերտես․ հարցում Շիրակում

Շիրակի մարզում անցկացված հարցման ժամանակ բնակիչները խոսել են այն մասին, թե ինչպիսի ղեկավար կուզենային տեսնել Հայաստանում։

«Երկրի ղեկավարը պետք է ունենա ամենամեծ հատկությունը՝ խիզախությունը։ Զինված ուժերը պետք է կարգավորի։ Մի քանի զենք ձեռք բերելուց հետո կտեսնեք, որ թշնամին կսաստվի, քանի որ նրանք վախկոտ ազգ են»,- կարծում է Շիրակի բնակիչներից մեկը։

Հարցմանը մասնակից մեկ այլ բնակչի խոսքով՝ երկրին պետք է կրթված, հայրենասեր և ժողովրդի ցավը հասկացող ղեկավար։ «Եկեղեցուն և ժողովրդին իրար դեմ հանելով ոչ երկիր կպահես, ոչ էլ խաղաղություն ու պատմություն կկերտես»,- ասել է նա։

«Երկրի ղեկավարը պետք է կատարի տված խոստումները»,- նշել է մեկ այլ քաղաքացի։