Ֆինն Գերագուսյանը գոլ է խփել «Բրայթոն U21»-ի դեմ հաղթական խաղում

Անգլիայի Պրեմիեր լիգա 2-ի 13-րդ տուրի շրջանակում «Սանդերլենդ U21»-ը սեփական դաշտում 2։0 հաշվով հաղթել է «Բրայթոն U21»-ին։ Այս մասին հայտնել է sportaran.com-ը։

Հանդիպման հաշիվը բացել է Հայաստանի երիտասարդական հավաքականի հարձակվող Ֆինն Գերագուսյանը։ 18-ամյա ֆուտբոլիստը 43-րդ րոպեին հաջողությամբ գործել է մրցակցի տուգանային հրապարակում և գրավել դարպասը։ Խաղի վերջնական հաշիվը 81-րդ րոպեին ձևակերպել է Մարկուս Նիլը՝ դառնալով երկրորդ գոլի հեղինակ։

Գերագուսյանը հանդիպումը սկսել է մեկնարկային կազմում և անցկացրել է ամբողջ խաղը։ Սա նրա համար Պրեմիեր լիգա 2-ի ընթացիկ մրցաշրջանի վեցերորդ հանդիպումն էր։ Այդ խաղերում նա դարձել է 2 գոլի և 1 գոլային փոխանցման հեղինակ։ Ընդհանուր առմամբ, հարձակվողն այս մրցաշրջանում բոլոր մրցաշարերում խփել է 8 գոլ։