«Ժողովուրդն է խոսում». Առանց պատմության, եկեղեցու և Ռուսաստանի աջակցության․ Հայաստանը չի կարող գոյություն ունենալ
16 Մայիսի 2026, 11:00
«Ժողովուրդն է խոսում» նախագծի շրջանակում Alpha News-ը հարցումներ է անցկացրել Երևանում, ինչպես նաև ԱՄՆ-ի և Ռուսաստանի հայաբնակ համայնքներում՝ պարզելու քաղաքացիների կարծիքը վերջին շրջանի կարևորագույն թեմաների շուրջ։
«Հայոց ցեղասպանությունը եղել է, և դա փաստ է։ Այդ մասին մեզ պատմել են մեր ծնողները, տատիկ-պապիկները։ Սակայն ցեղասպանության ճանաչումը պետք է լինի դիվանագիտական ուղիներով և մեծ զգուշությամբ»,- այս մասին նշել են հարցման մասնակիցները։
Հարցվածների մեծ մասի խոսքով՝ եթե մոռացի ցեղասպանությունը կամ Հայ առաքելական եկեղեցին, հայերը կկորցնեն իրենց ինքնությունը և կդադարեն գոյություն ունենալ որպես ժողովուրդ։
«Մեր ժողովուրդն ունի հինգհազարամյա պատմություն, որը հնարավոր չէ ջնջել կամ վերաշարադրել», — ընդգծել են հարցման մասնակիցները։
Անդրադառնալով Ռուսաստանի հետ հարաբերություններին՝ քաղաքացիները նշել են, որ հայ և ռուս ժողովուրդները կիսում են միասնական քաղաքակրթական արժեքներ, որոնցից հրաժարվել հնարավոր չէ։
«Ռուսաստանը բազմիցս փրկել է Հայաստանին։ Մենք քրիստոնյա երկիր ենք, ինչպես Ռուսաստանը։ Այդպիսի բարեկամից չի կարելի հեռանալ»,- կարծում են քաղաքացիները։
«Իդեալական իշխանությունը ազնիվ է, պարկեշտ և աստվածավախ։ Հայ քաղաքական գործիչը պետք է ունենա հայկական մտածողություն ու վարի հավասարակշռված քաղաքականություն, որպեսզի չվնասի ո՛չ իրեն, ո՛չ էլ եղբայրական ժողովրդին»,- ասել է Alpha News-ի հարցման մասնակիցներից մեկը։
Հարցվածների մեծ մասի կարծիքով՝ եկեղեցին պետք է մնա քաղաքականությունից դուրս, քանի որ այն հայկական ինքնության հիմնասյուներից է։
«Նույնիսկ այն ժամանակ, երբ հայ ժողովուրդը պետականություն չուներ, եկեղեցին միավորում էր ժողովրդին։ Այսօր Հայաստանում ստեղծվել է ամոթալի իրավիճակ։ Այժմ անհրաժեշտ է աջակցել եկեղեցուն, որը մշտապես եղել է ժողովրդի կողքին»,- նշել է հարցվածներից մեկը։
Alpha News-ի հարցման մասնակիցները շեշտել են, որ պատմության ճանաչումն ու եկեղեցու պահպանումը հայ ժողովրդի գոյության հիմքն են, իսկ քաղաքականությունը պետք է լինի ազնիվ և հավասարակշռված՝ երկրի ինքնությունն ու ապագան պահպանելու համար։
Հիմա եթերում
