Դերասան Արմեն Նահապետյանը ներառվել է Variety’s 2023 Young Hollywood Impact զեկույցում
13 Օգոստոսի 2023, 21:47
Դերասան Արմեն Նահապետյանը ներառվել է Variety’s 2023 Young Hollywood Impact զեկույցում, որում ներկայացված են մինչեւ 25 տարեկան դերասաններ, երաժիշտներ եւ կոնտենտ ստեղծողներ, ովքեր տեւական ազդեցություն են թողնում Հոլիվուդի վրա: Ցանկում են նաեւ Լիլի Ռոուզ-Դեպը, Ice Spice-ը եւ Ջեննա Օրտեգան։
Արմեն Նահապետյանը հանդես է եկել Արի Ասթերի («BEAU IS AFRAID» ֆիլմում` որպես Խոակին Ֆենիքսի կերպարի երիտասարդ տարբերակ։
style.news.am-ի փոխանցմամբ՝ Արմեն Նահապետյանը պատմել է իր հայկական ծագման մասին։
Արմեն Նահապետյանի հայրն ու պապը իրանահայ են։ «Պապս հոգացել է պահպանել հայոց կրոնը, լեզուն, մշակույթն ու պատմությունը եւ դրանք փոխանցել հորս։ Փաստորեն, թեեւ հայրս Իրանում է ծնվել ու ապրել, բայց հայերեն է խոսում»,- ասել է դերասանը։
Իրանական հեղափոխությունից հետո ընտանիքը բնակություն է հաստատել Կալիֆոռնիայի Գլենդել շրջանում գտնվող Սան Ֆերնանդո հովտում: Արմենի խոսքով՝ հոր համար կարեւոր էր ընտանիքի հետ լինելը, քանի որ նրանց համար առաջնային էր հայ մշակույթի պահպանումը։ Սա ձեւավորեց նրա ըմբռնումն իր անցյալի մասին: Երիտասարդ դերասանն իր հանգիստն անցկացրել է տատիկի ու պապիկի տանը եւ ասում է, որ դրա շնորհիվ ավելի մտերիմ է հայկական մշակույթի հետ. «Ես հայերեն չեմ խոսում, բայց շատ եմ սիրում սովորույթները, ավանդույթները, ուտելիքները»։
Հիմա եթերում
