Կոլումբիայում կոռուպցիայի դեմ պայքարող ակտիվիստը Սենատի նիստին ներկայացել է «Սպիտակ փղի» զգեստով

Կոլումբիացի ակտիվիստ Լուիս Կառլոս Ռուան, որը հայտնի է դարձել կոռուպցիոն սխեմաների և տարիներով անավարտ մնացած պետական նախագծերի բացահայտումներով, Սենատում իր պաշտոնավարման երդման պաշտոնական արարողությանը ներկայացել է «Սպիտակ փղի» զգեստով։

Նա հուլիսին պաշտոնապես ստանձնել է սենատորի լիազորությունները՝ հրաժարվելով նույնիսկ պաշտոնական լուսանկարահանման ժամանակ հանել կենդանու զգեստը։

Լատինական Ամերիկայում «սպիտակ փիղ» արտահայտությունն օգտագործվում է պետական բյուջեից ֆինանսավորվող, սակայն չափազանց թանկարժեք, լքված կամ անարդյունավետ ենթակառուցվածքային նախագծերը բնութագրելու համար։