Բարսելոնայի մետրոյում բռնկված հրդեհի հետևանքով տուժել է 136 մարդ
28 Հուլիսի 2026, 09:43
Իսպանիայի Բարսելոնա քաղաքի մետրոյում բռնկված հրդեհի հետևանքով տուժել է 136 մարդ։ Այս մասին հայտնել է քաղաքի հրշեջ ծառայությունը, փոխանցում է ՏԱՍՍ-ը։
«Հրշեջները, իրավապահների հետ համատեղ, տարհանել են գնացքի ուղևորներին և հայտնաբերել հրդեհի փոքր օջախ, որն արագորեն մարվել է։ Շտապ բժշկական օգնության աշխատակիցները բուժօգնություն են ցուցաբերել 136 մարդու, որոնցից 39-ը թեթև և միջին ծանրության վնասվածքներով տեղափոխվել են հիվանդանոցներ», — ասվում է հրշեջ ծառայության պաշտոնական հայտարարության մեջ։
Նշվում է նաև, որ դեպքի հետևանքները վերացնելու նպատակով դադարեցվել է մետրոյի տվյալ գծի երթևեկությունը։
Նախնական տվյալներով՝ հրդեհի պատճառ կարող էր դառնալ Բարսելոնայի մետրոյի թունելների պատերի երեսպատման տարրերի փլուզումը, որի հետևանքով վնասվել են ճառագայթող մալուխը և ցածր լարման էլեկտրագիծը։
Այս պահին տեխնիկական խմբերն աշխատում են միջադեպի հետևանքները վերացնելու ուղղությամբ։ Մասնագետները նախատեսում են օրվա ընթացքում վերականգնել երթևեկությունը տվյալ հատվածում։
Հիմա եթերում
