Մոսկվայի օդանավակայանները վերադառնում են բնականոն աշխատանքի

«Շերեմետևո» օդանավակայանի մամուլի ծառայությունից հայտնել են, որ օդանավակայանում օդային տագնապի ռեժիմը չեղարկվել է։ Տերմինալների մուտքերը կրկին բաց են, իսկ ուղևորները լքում են ապաստարանները և վերադառնում սպասասրահներ։

Ռոսավիացիայի տվյալներով՝ «Շերեմետևո» և «Ժուկովսկի» օդանավակայաններում օդանավերի թռիչքների և վայրէջքների սահմանափակումներն ամբողջությամբ վերացվել են, իսկ «Վնուկովո» և «Դոմոդեդովո» օդանավակայանները վերսկսել են չվերթների ընդունումն ու իրականացումը՝ համապատասխան համաձայնեցմամբ։