Խցանումների դեմ համակարգային լուծումներ են պետք․ Ագնեսա Խամոյան

17 Նոյեմբերի 2026, 15:50

Քաղաքականություն

Երևանում տրանսպորտային խցանումների խնդիրը հնարավոր չէ լուծել հատվածական միջոցներով, տուգանքների ավելացմամբ կամ առանձին սահմանափակումներով։ Այս մասին ԱԺ ամբիոնից հայտարարել է «Հայաստան» խմբակցության պատգամավոր Ագնեսա Խամոյանը։

Նրա խոսքով՝ կարմիր գծերի վճարի տասնապատիկ թանկացումը ևս չլուծեց Երևանի կենտրոնում կայանատեղիների խնդիրը։

Պատգամավորն անդրադարձել է նաև անհարկի ձայնային ազդանշանների խնդրին՝ նշելով, որ դրանք հաճախ օգտագործվում են ոչ թե ճանապարհային իրավիճակի մասին զգուշացնելու, այլ զայրույթն ու դժգոհությունն արտահայտելու համար։

«Այս հարցը պետք է համակարգային լուծում ունենա։ Պետք է ստեղծվի կոնկրետ մի մարմին, որը՝ սկսած տեղազննումից մինչև իրավախախտման պատճառների վերլուծություն, կհասկանա իրավիճակը և կորոշի, թե ինչպիսի լուծումներ են հնարավոր տալ»,- ասել է Ագնեսա Խամոյանը։