Եվրախորհրդարանը մտադիր է Արցախի վերաբերյալ Ադրբեջանին դատապարտող բանաձև ընդունել
28 Սեպտեմբերի 2023, 21:22
Հոկտեմբերի 3-ին Եվրախորհրդարանի պատգամավորները լիագումար նստաշրջանում կքննարկեն իրավիճակը Լեռնային Ղարաբաղում, նախատեսվում է ընդունել Բաքվին դատապարտող բանաձև։ Այս մասին ասվում է Եվրախորհրդարանի հաղորդագրության մեջ:
«Երեքշաբթի խորհրդարանը քննարկելու է Լեռնային Ղարաբաղում տիրող ծանր իրավիճակը», — նշվում Է փաստաթղթում:
Հավելենք, որ խորհրդարանականները պատրաստվում են «դատապարտել Ադրբեջանի չհիմնավորված հարձակումը»:
Ինչպես հաղորդում է ՌԻԱ Նովոստին, հոկտեմբերի 3-ին Եվրախորհրդարանում տեղի կունենա իրավիճակի քննարկում ԵՄ խորհրդի, Եվրահանձնաժողովի եւ Իսպանիայի նախագահության ներկայացուցիչների հետ: Բանաձևի քվեարկությունը սպասվում է հոկտեմբերի 5-ին։
Ավելի վաղ Եվրամիությունը Ադրբեջանի վրա էր դրել Լեռնային Ղարաբաղի հայերի իրավունքների և անվտանգության պահպանման պատասխանատվությունը և հայտարարել, որ Բաքվի դեմ միջոցներ կձեռնարկի վերջիններիս ճնշելու դեպքում:
Հիմա եթերում
