Մոսկվայի ВДНХ-ում կանցկացվի «Ոսկե նուռ» փառատոնը
09 Նոյեմբերի 2023, 23:42
Մոսկվայի Ժողովրդական տնտեսության նվաճումների ցուցահանդեսում (ВДНХ) նոյեմբերի 11-ին տեղի կունենա «Ոսկե նուռ» փառատոնը, որը կազմակերպել է Ռուսաստանի հայերի միությունը Ազգությունների հարցերով դաշնային գործակալության և Մոսկվայի կառավարության արտաքին տնտեսական և միջազգային կապերի դեպարտամենտի աջակցությամբ:
«Արմենիա» տաղավարում կներկայացվի մշակութային բազմաբնույթ ծրագիր, ելույթ կունենան պարային և վոկալ խմբեր, ժողովրդական երաժշտության կատարողներ և գործիքավորողներ: Կանցկացվեն նաև նռան նկարչության վարպետության դասեր, թեմատիկ ցուցահանդեսներ և հյուրասիրություն:
Գործնական ծրագրի շրջանակներում մասնակիցները կարող են կիսվել Մոսկվայի և Երևանի հարաբերությունների զարգացման գործում հասարակական կազմակերպությունների մասնակցության վերաբերյալ իրենց գաղափարներով և առաջարկներով:
«Ոսկե նուռ» փառատոնը Մոսկվայում նշվում է 2005 թվականից։
Հիմա եթերում
