Ադրբեջանում այս պահին հաստատված 23 գերի է պահվում, որոնցից 17-ը գերեվարվել են վերջին ագրեսիայի ժամանակ. Արգիշտի Քյարամյան
05 Հունվարի 2024, 13:39
Այս պահին Ադրբեջանի կողմից հաստատված 23 գերի կա, որոնցից 17-ը 2023 թվականի ագրեսիայի հետևանքով գերեվարված անձինք են:
Այս մասին «Լուրեր»-ին հայտնել է ՀՀ քննչական կոմիտեի նախագահ Արգիշտի Քյարամյանը։
Նրա խոսքով՝ Արցախյան 44-օրյա պատերազմից հետո 32 անձի բռնի անհետացման վերաբերյալ ունենք փաստական տվյալներ:
ՔԿ նախագահը տեղեկացրեց, որ 2023 թվականի սեպտեմբերի 19-20-ին ադրբեջանական ագրեսիայի հետևանքով ՊԲ-ն տվել է 223 զոհ, որոնցից 25-ը քաղաքացիական անձինք են։ Զոհերի թվում կա 5 անչափահաս։
Քյարամյանի փոխանցմամբ՝ ՊԲ-ն տվել է 244 վիրավոր, որոնցից յոթ տասնյակը քաղաքացիական անձինք են, այդ թվում՝ 10 անչափահաս։ Կա 20 անհետ կորած, որոնցից 5-ը քաղաքացիական անձինք են:
Հիմա եթերում
