Ադելիա Պետրոսյանը Ռուսաստանի առաջնությունում տարած հաղթանակի առթիվ գրառում է կատարել

Ռուսաստանաբնակ հայազգի գեղասահորդուհի Ադելիա Պետրոսյանն Instagram-ում գրառում է կատարել՝ ի պատիվ Չելյաբինսկում կայացած Ռուսաստանի 2024 թվականի առաջնությունում տարած հաղթանակի:

«Շնորհակալ եմ իմ մարզչական շտաբին առաջին հերթին այն բանի համար, որ ինձ սովորեցրել են աշխատել, և նույնիսկ այն ժամանակ, երբ չի հաջողվում 100%-ով դուրս գալ մարզումից, ես հասկանում եմ, թե ինչպես պետք է լինի, ինչին պետք է ձգտել։

Ես ուզում եմ այսօր շնորհակալություն հայտնել իմ առաջին մարզիչներին՝ Իրինա Բորիսովնա Ստրախովային և Ալեքսեյ Շեմետին, ինձ հետ աշխատելու տարիների համար, ինչպես նաև բոլոր այն մասնագետներին, ովքեր մանկուց ինձ օգնել են Մոսկվիչում և, չգիտես ինչու, արդեն այն ժամանակ հավատում էին ինձ:

Շնորհակալություն Ռուսաստանի առաջնության կազմակերպիչներին՝ հիանալի մրցումների համար, իսկ Չելյաբինսկի հանդիսատեսին՝ յուրաքանչյուր մարզիկի էներգիայի, բարության և ջերմ աջակցության համար:

Ես ուզում եմ բոլորին մաղթել, որ երազանքներն իրականանան, և ամեն ինչ ունենա բավարար ուժ և առողջություն: Շնորհավոր Նոր տարի», — գրել է մարզուհին։

16-ամյա Ադելիա Պետրոսյանը մարզիչ Էթերի Թութբերիձեի սանն է, Ռուսաստանի առաջնության բրոնզե մեդալակիր (2022), Ռուսաստանի Գրան պրիի եզրափակչի հաղթող (2023): Գեղասահորդուհին ավելի վաղ հաղթել էր Ուֆայում կայացած Ռուսաստանի Գրան պրիի առաջին փուլում: