Ռուբեն Վարդանյանը ձերբակալվել և գերեվարվել է. Վերոնիկա Զոնաբենդ
27 Սեպտեմբերի 2023, 14:08
![](https://media.alphanews.am/wp-content/uploads/2023/09/27140813/53884048_0_0_1100_619_1920x0_80_0_0_0bea8c1b7f0362b97c839757e53afd3d.jpg)
Ադրբեջանցիները ձերբակալել են Արցախի նախկին պետնախարար, հասարակական-քաղաքական գործիչ Ռուբեն Վարդանյանին:
Ահազանգը հնչեցրել է նրա կինը՝ Վերոնիկա Զոնաբենդը: Սիվիլնեթի հետ զրույցում նա տեղեկացրել է, որ ամուսնու հետ կապը կորել է, ձերբակալության մասին լուրեր է տեսել ադրբեջանական լրատվամիջոցներում։
Ադրբեջանական լրատվամիջներն ու տելեգրամյան ալիքները, հայտնում են, որ Վարդանյանին ձերբակալել են ադրբեջանցի ուժայինները՝ Բերձորի անցակետում:
Վարդանյանի կինը՝ Վերոնիկա Զոնաբենդը, հայտարարություն է տարածել.
Այսօր առավոտյան ամուսինս՝ բարերար, գործարար և Արցախի Հանրապետության նախկին պետնախարար Ռուբեն Վարդանյանը, ձերբակալվել և գերեվարվել է Ադրբեջանի իշխանությունների կողմից` սահմանին, երբ փորձում էր լքել Արցախը ադրբեջանական օկուպացիայից փախած հազարավոր այլ հայերի հետ։ Շրջափակման տասը ամիսների ընթացքում Ռուբենը ուս ուսի տված կանգնել է արցախցիների կողքին, տարել դժվարությունները, նրանց հետ, գոյատևման համար պայքարել։ Ես խնդրո՛ւմ եմ ձեզ աղոթել ինձ հետ, որ ամուսինս անվնաս ազատ արձակվի: