Ադրբեջանում գլխաշորի սահմանափակումների պատճատի՝ Իրանի ազդեցության չեզոքացումն է․ Տիգրան Քոչարյան

Ադրբեջանի դպրոցներում գլխաշոր կրելու սահմանափակումների դեմ բողոքի ակցիաները կարող են պայմանավորված լինել ոչ միայն կրոնական կամ ներքաղաքական գործոններով, այլև տարածաշրջանային աշխարհաքաղաքական զարգացումներով։ Նման տեսակետ է հայտնել AlphaNews-ի գլխավոր խմբագիր Տիգրան Քոչարյանն՝ անդրադառնալով Բաքվում և Ադրբեջանի այլ քաղաքներում արդեն երկու շաբաթից ավելի շարունակվող բողոքի ցույցերին։

Նրա խոսքով՝ դպրոցներում գլխաշոր կրելու սահմանափակման վերաբերյալ Ադրբեջանի իշխանությունների որոշումն անսպասելի էր շատերի համար։ Տիգրան Քոչարյանի գնահատմամբ՝ այդ քայլը կարող է նաև նպատակ ունենալ բացահայտելու և չեզոքացնելու այն շրջանակներին, որոնք համակրում են Իրանին կամ հանդես են գալիս իրանամետ դիրքերից։

«Իսրայելը պլանավորում է նաև որոշակի գործողություններ Ադրբեջանի տարածքից։ Եթե Իրանի դեմ ռազմական օպերացիա իրականացնելու անհրաժեշտություն առաջանա, պետք է չեզոքացնել առավել ակտիվ իրանամետ ուղղություն ունեցող մարդկանց։ Իսկ ինչպե՞ս բացահայտել նրանց․ պետք է սադրել, և այն մարդիկ, որոնք դուրս կգան բողոքի ակցիաների կամ այլ կերպ կարտահայտեն իրենց դիրքորոշումը, կարող են հայտնվել իշխանությունների ուշադրության կենտրոնում»,- նշել է Տիգրան Քոչարյանը։

Ըստ նրա՝ Ադրբեջանում տեղի ունեցող գործընթացները կարող են դիտարկվել նաև որպես ներքին դաշտը վերահսկելու և իշխանությունների համար անցանկալի շրջանակներին մեկուսացնելու փորձ։ Քոչարյանը չի բացառել նաև այս զարգացումներում Իսրայելի ազդեցության հնարավորությունը։