Ադրբեջանը կրկնապատկել է ՀՀ օդային տարածքով չվերթների համար վճարները

2025 թվականի հունվարի 1-ից ապրիլի 30-ն ընկած ժամանակահատվածում ադրբեջանական ավիաընկերությունները Հայաստանի օդային տարածքով իրականացված ավիափոխադրումների համար «Հայաէրոնավիգացիա» ընկերությանը վճարել են 89 հազար 746 եվրո։ Այս մասին ասված է ՀՀ քաղաքացիական ավիացիայի կոմիտեի՝ ԶԼՄ-ների գրավոր հարցման պատասխանում:

Դա գրեթե երկու անգամ ավելի է, քան նախորդ տարվա վեց ամիսների ընթացքում։ Այսպես, 2024 թվականի հունվարի 1-ից մայիսի 31-ն ընկած ժամանակահատվածում վճարումների գումարը կազմել է 49․459 եվրո։ Միևնույն ժամանակ, 2023 թվականի հունվարից մայիս ընկած ժամանակահատվածում վճարման գումարը կազմել է 40 հազար եվրոյից մի փոքր պակաս, իսկ ամբողջ 2023 թվականի համար՝ գրեթե 80 հազար եվրո։

Բոլոր դեպքերում վճարումները կատարվել են «Եվրոկոնտրոլ» կազմակերպության կենտրոնական գրասենյակի միջոցով՝ սահմանված ընթացակարգին համապատասխան:

Նշենք, որ «Հայաէրոնավիգացիա» ՓԲԸ-ն իրականացնում է թռիչքների աէրոնավիգացիոն սպասարկում ՀՀ օդային տարածքում: