ԱՄՆ-ը Եվրոպայի հետ քննարկում է ԱՊՀ-ում հակահամակարգային ուժերին աջակցության մեծացումը. Նարիշկին
16 Մայիսի 2025, 16:53
ԱՄՆ-ն բանակցություններ է վարում եվրոպացի գործընկերների հետ՝ ԱՊՀ անդամ երկրներում հակահամակարգային ուժերին աջակցությունը մեծացնելու համար։ Այս մասին ԱՊՀ անդամ պետությունների անվտանգության գործակալությունների և հատուկ ծառայությունների ղեկավարների խորհրդի նիստում հայտարարել է Ռուսաստանի Դաշնության արտաքին հետախուզական ծառայության տնօրեն Սերգեյ Նարիշկինը, փոխանցում է ՏԱՍՍ-ը։
«Ամերիկացիները բանակցում են եվրոպացի ավանդական գործընկերների հետ՝ ԱՊՀ երկրներում հակահամակարգային ուժերին իրենց աջակցությունը որակապես մեծացնելու շուրջ: Եվրոպացիներից պահանջում են իրենց վրա վերցնել ենթադրաբար անկախ ակտիվիստների ֆինանսավորման բեռը՝ ԱՄՆ ՄԶԳ-ի, Ազատ Եվրոպա/Ազատություն ռադիոկայանի՝ Վաշինգտոնի կողմից դադարեցված օգնության դիմաց»,-ասել է նա:
Նարիշկինը նաև նշել է, որ, ըստ ԱՀԾ-ի՝ Եվրահանձնաժողովը և Եվրոպական արտաքին գործողությունների ծառայությունն արդեն սկսել են փոխհատուցման միջոցներ մշակել արևմտամետ հասարակական կազմակերպությունների, լրատվամիջոցների և ընդդիմադիր գործիչների համար: «Առաջնահերթ խնդիրն այն ասոցիացիաներին աջակցելն է, որոնցից եվրոպական երկրներն արդի տեղեկատվություն են ստանում Եվրասիայում տիրող իրավիճակի մասին»,-հավելել է նա։
Հիմա եթերում
