Առանց որևէ բացատրության «Զվարթնոց» օդանավակայանում իբր ստուգում են Ռուսաստանի հայերի միության նախագահ Արա Աբրահամյանի անձնագիրը. Լուսիկ Ղուկասյան

Ռուսաստանի հայերի միության նախագահ Արա Աբրահամյանին ավելի քանի երկու ժամ է՝ «Զվարթնոց» օդանավակայանում չեն թողնում մուտք գործել Հայաստան: Այս մասին Alpha News-ի հետ զրույցում ասաց Ռուսաստանի հայերի միության փոխնախագահ Լուսիկ Ղուկասյանը:

«Առանց որևէ բացատրության «Զվարթնոց» օդանավակայանում իբր ստուգում են Արա Աբրահամյանի անձնագիրը: Նա Երևան է ժամանել մեծ պատվիրակության հետ, այստեղ են նաև ժամանել ամերիկյան շատ լուրջ ընկերությունների տնօրեններ, Ռուսաստանից ևս պատվիրակություն կա: Նրանք Հայաստան են ժամանել Հայաստանի տնտեսական հարցերի հետ կապված միջոցառմանը մասնակցելու նպատակով: Արա Աբրահամյանն է այդ միջոցառման կազմակերպիչը: Բոլորն անցել են ստուգումները, միայն Արա Աբրահամյանի անձնագիրն են իբր ստուգում»,- Alpha News-ի հետ զրույցում ասաց Լուսիկ Ղուկասյանը: