Արցախը հսկայական ներդրումներով կորսվեց, որովհետև ճշմարտության հետ չգործեցինք․ Բագրատ Սրբազանը՝ հայ գործարարներին

Մեր գործարարներին ուզում եմ ասել՝ Արցախը հսկայական ներդրումներով կորսվեց, որովհետև ճշմարտության հետ չգործեցինք։ Այս մասին Հանրապետության հրապարակում հանրահավաքի ժամանակ հայտարարեց «Տավուշը հանուն հայրենիքի» շարժման առաջնորդ Բագրատ Սրբազանը․

«Նույնը լինելու է Հայաստանում, եթե դուք ձեր ունեցվածքն ավելի գնահատեք, քան ձեր կյանքը, պատիվն ու հայրենիքը, որով սնվում եք, որովհետև այս նույն ժողովրդով եք դուք կարողանում ձեր գործարքները կնքել»,- նշեց նա։

Ես անձնապես հայրենիքի ու մեր պետության այս մեծ զոհասեղանին դրել եմ ամեն ինչ, ինչ-որ ունեմ կյանքում։ Զոհաբերել եմ ամեն ինչ, ինչ-որ Աստված ու մեր ժողովուրդն ինձ տվել է։ Ես ուզում եմ տեսնել, թե դո՞ւք որքանով եք վճռական ու պատրաստ այս բոլոր պահանջներն իրականացնելու»,- ասել է Բագրատ Սրբազանը։