Արգենտինայի Նեուկեն նահանգում մեծ հետաքրքրություն է առաջացրել «Հոգիների աճուրդ. Ավրորա Մարդիգանյանի պատմությունը» գիրքը

Արգենտինացի պատգամավոր Սեզար Գասը որոշում է կայացրել լայն տարածում ապահովել «Հոգիների աճուրդ. Ավրորա Մարդիգանյանի պատմությունը» գրքին՝ 2022 թ. հոկտեմբերի 20-ին գրքի պաշտոնական շնորհանդեսին մասնակցելուց հետո:

Այս տարվա օգոստոսի 23-ին կայացած ժողովում միաձայն հավանության է արժանացել գրքի ևս մեկ հրատարակման վերաբերյալ հայտարարությունը։ Այս գիրքը պատմում է Ավրորա Մարդիգանյանի մասին։ Վերջին հրատարակությունն իրականացվել է մի քանի տարվա հետազոտություններից և շտկումներից հետո՝ գրող, սրբագրիչ և ուսուցիչ Պաբլո Ալիի և Հայաստանի ԳԱԱ պատմության դոկտոր և թարգմանիչ Վարդան Մարտիրոսյանի կողմից։

Աշխատանքը համակարգել է Էդուարդո Կոզանլյանը, ով մեծ փորձ ունի հայկական հարցի վերաբերյալ տարբեր հրատարակությունների պատրաստման հարցում։