Արթուր Ավանեսյանի նկատմամբ կիրառվել է ամենաինտենսիվ խափանման միջոցը․ Արամ Վարդևանյան
25 Հունիսի 2026, 17:04
Դատարանում ընթանում է «Ուժեղ Հայաստան» կուսակցության անդամ Արթուր Ավանեսյանի խափանման միջոցի վերաբերյալ հարցի քննությունը։ Նիստի ընթացքում փաստաբան Արամ Վարդևանյանը ընդգծել է, որ Ավանեսյանի նկատմամբ ի սկզբանե ցուցաբերվել է անհամաչափ խիստ մոտեցում։
Արամ Վարդևանյանը դատարանի ուշադրությունը հրավիրել է այն փաստի վրա, որ համանման գործերով մյուս անձանց համեմատությամբ՝ հենց Արթուր Ավանեսյանի նկատմամբ է ընտրվել ամենախիստ սահմանափակումը։
«Պարոն Ավանեսյանը սույն քրեական վարույթի շրջանակներում միակ անձն է, որի նկատմամբ կիրառվել է ամենաինտենսիվ խափանման միջոցը։ Եթե հիշողությունս չի դավաճանում, բոլոր այլ անձանց նկատմամբ նույն օրն է իրականացվել խափանման միջոցի վերաբերյալ քննություն, և պարոն Ավանեսյանի նկատմամբ էր, որ ընտրվեց ամենաինտենսիվը»,- հայտարարել է փաստաբանը։
Հիշենցենք, որ Հակակոռուպցիոն կոմիտեն հաղորդագրություն էր տարածել, համաձայն որի՝ փաստական տվյալներ են ստացվել այն մասին, որ «Ուժեղ Հայաստան» կուսակցության համակիրը ընտրություններին իրենց օգտին քվեարկելու դիմաց մի շարք ընտրողների աշխատանքի ընդունելու և այլ եղանակով խոստացել է տալ կաշառք։
Ավանեսյանը 2 ամսով կալանավորվել էր ապրիլի 28-ին:
Հիմա եթերում
