Արտյոմ Օգանովը նշանակվել է Մոնղոլիայում Ռուսաստանի գլխավոր հյուպատոս

ՌԴ արտաքին գործերի նախարարության հրամանով Արտյոմ Օգանովը նշանակվել է Մոնղոլիայի Դարխան քաղաքում Ռուսաստանի Դաշնության գլխավոր հյուպատոս։ Այս մասին հայտնում է Ռուսաստանի ԱԳՆ-ն։

Ա․ Օգանովը ծնվել է 1973 թվականին։ 1999 թվականին ավարտել է Ռուսաստանի ԱԳՆ Մոսկվայի միջազգային հարաբերությունների պետական ինստիտուտը (ՄԳԻՄՈ)։ Տիրապետում է մոնղոլերենին և անգլերենին։ Ունի 1-ին դասի խորհրդականի դիվանագիտական աստիճան, որը շնորհվել է 2020 թվականի հունիսին։

Դիվանագիտական ծառայության մեջ է 1999 թվականից։ Տարբեր պաշտոններ է զբաղեցրել Ռուսաստանի ԱԳՆ կենտրոնական ապարատում և արտերկրում։ 2011-2014 թվականներին եղել է Ասիայի առաջին դեպարտամենտի խորհրդական, 2014-2016 թվականներին՝ Մոնղոլիայում Ռուսաստանի դեսպանության խորհրդական, 2017-2020 թվականներին՝ Հյուպատոսական դեպարտամենտի խորհրդական, 2020-2023 թվականներին՝ Ղազախստանի Ալմաթի քաղաքում Ռուսաստանի գլխավոր հյուպատոսության հյուպատոս-խորհրդական, իսկ 2023-2026 թվականներին՝ Ասիայի առաջին դեպարտամենտի բաժնի պետ։