Արխանգելսկում նշել են Հայաստանի մշակույթի օրը
23 Նոյեմբերի 2023, 08:38
![](https://media.alphanews.am/wp-content/uploads/2023/11/21113238/vystavka-8.jpg)
Ռուսաստանի Արխանգելսկի և հայկական Ջերմուկ քաղաքների միջև համագործակցության համաձայնագրի իրականացման միջոցառումների շրջանակում կայացել է Հայաստանի մշակույթի օրը: Այս մասին գրում է «Արխանգելսկ՝ ռազմական փառքի քաղաք» թերթը։
Հանդիպումը սկսվել է Ջերմուկից տեսաուղերձով: Արխանգելսկի բնակիչներն իմացել են, թե ինչպես է ընթանում ծիրանի փառատոնը, քանի մասնակից է այն հավաքում: Գրքի վառ ցուցահանդես-ինստալյացիան՝ հայաստանյան գրքերով, աքսեսուարներով և ատրիբուտներով, ներկաներին հնարավորություն է տվել շոշափելու հայկական մշակույթը:
Հատուկ ուշադրություն է դարձվել Հայաստանի բարեկեցության խորհրդանիշին՝ նռանը, որը ներկա է Հայաստանի բոլոր հանդիսավոր և մշակութային միջոցառումներին:
![](https://media.alphanews.am/wp-content/uploads/2023/11/21113627/655b23a255192_1288x828-1-1024x658.jpg)