Ասում եք՝ զիջումներ․ մի հատ ասեք՝ ի՞նչ ենք զիջել․ Փաշինյան

Ասում եք՝ զիջումներ, զիջումներ․ ես պարզ հարց եմ տալիս՝ ասեք՝ ի՞նչ ենք զիջել, մի հատ ասեք, տեսնենք՝ ի՞նչ ենք զիջել։ Մենք ընդհանրապես որևէ բան չենք զիջել։ Այս մասին ԱԺ-ում կառավարության հետ հարցուպատասխանի ժամանաակ ասել է ՀՀ վարչապետ Նիկոլ Փաշինյանն՝ անդրադառնալով ԱԺ փոփնախագահ Արամ Վարդևանյանի հարցին, թե ինչպես են պատկերացնում իշխանությունները խաղաղություն։

Փաշինյանը քննադատել է միջազգային նոր բանաձևերին ապավինելու քաղաքականությունը։

«Դուք ասում եք՝ ՄԱԿ-ը, ԵԽԽՎ-ն, Վուդրո Վիլսոնը և մյուսները կայացրել են որոշումներ, որոնք Ադրբեջանը չի կատարում, հետևաբար՝ ինչո՞ւ չեք գնում նոր որոշումներ կայացնում։ Ես հասկանում եմ՝ դուք այդ բանաձևերի ընդունման համար աշխատավարձ եք ստանում, փող եք ստանում, ինչպես և ձեր նման բոլոր իրավաբանները։ Բայց, կներեք, մենք ձեր իրավաբանության գերին չենք։ Մենք պատրաստվում ենք առերեսվել իրականությանը»,- նշել է Փաշինյանը։

Արամ Վարդևանյանն, արձագանքելով վարչապետին, ասել է, որ որ իշխանությունը թերահավատորեն է վերաբերվում եվրոպական կառույցների որոշումներին։