Բագրատ Սրբազանի շնորհավորական ուղերձը՝ Հայաստանի Անկախության 35-րդ տարեդարձի առթիվ

Բագրատ Սրբազանը շնորհավորական ուղերձ է հղել Հայաստանի Հանրապետության Անկախության 35-րդ տարեդարձի առթիվ՝ անդրադառնալով երկրի անցած ճանապարհին, Արցախի կորստին և ազգային վերականգնման անհրաժեշտությանը։

Ուղերձում, մասնավորապես, նշված է.

«Շնորհավորում եմ Հայաստանի Հանրապետության վերանկախացման և ինքնորոշման 35-րդ տարեդարձի առիթով:

Մեր Հանրապետությունը տարիներ առաջ ուներ Արցախ անունով զավակ, որը վերանկախացման ծնունդն էր: Դժբախտաբար, 35-րդ տարեդարձը նշում ենք մահացած, բայց հարության ենթակա զավակի դիակի շուրջ: Այդ ցավն ու կորուստը մեր սրտում ունենալով՝ շնորհավորում եմ բոլորիս, յուրաքանչյուր հայ մարդու:

Շնորհավորում եմ մեր երազների Հայաստանի՝ ԻՐԱԿԱՆ Հայաստանի 35-րդ տարեդարձը:

Դժբախտաբար, մեր 35 տարվա կենսագրությունը, մեր ուրախությունն ու ներքին հաշտությունը գողացել են մեզնից: Մենք կոչված ենք 35-րդ տարեդարձի ուխտով վերականգնելու այս ամենը:

Աստված օրհնի մեր երկիրը, մեր պետությունը և մեր հաղթանակները»։