Բելառուսի թատերական գործիչների միության բարձրագույն պարգևը հանձնել են Տատյանա Ներսիսյանին

Թատրոնի միջազգային օրը Բելառուսում տեղի է ունեցել թատերական գործիչների միության մրցանակների հանձնման հանդիսավոր արարողությունը։ Այս մասին գրում է sb.by-ն։

Բելառուսի պետական տիկնիկային թատրոնի գլխավոր նկարիչ Տատյանա Ներսիսյանն արժանացել է «Բյուրեղյա հրեշտակ» մրցանակին՝ «բելառուսական տիկնիկային թատրոնին նվիրվածության և երկարամյա ստեղծագործական աշխատանքի համար»:

Տատյանա Ներսիսյանը Բելառուսի Հանրապետության Ազգային թատերական մրցանակի (2012, 2018 թթ.) և Ռուսաստանի «Ոսկե դիմակ» Ազգային թատերական մրցանակի դափնեկիր է (2016 թ.): Թատրոնում աշխատում է 2008 թվականից: