Բելառուսում կանցկացվի «Հայրենիքից դեպի սրտեր. հայկական պարը որպես մշակութային կապ» առցանց վեբինար

Բելառուսի մայրաքաղաք Մինսկում հունիսի 15-ին կանցկացվի առցանց վեբինար՝ «Հայրենիքից դեպի սրտեր. հայկական պարը որպես մշակութային կապ» թեմայով։ Այս մասին հայտնում է Բելառուսի հայ համայնքի տելեգրամյան ալիքը:

Միջոցառման ընթացքում կանցկացվի քննարկում այն մասին, թե ինչպես հայկական պարերը կոտրում են բոլոր սահմանները՝ միավորելով Բելառուսի, Չինաստանի և սփյուռքի այլ համայնքները։

Հրավիրված փորձագետների թվում են ազգագրագետ և ՀՀ ԳԱԱ պարերի հետազոտող Նարինե Շամամյանը, թարգմանիչ և ուսուցիչ-պարուսույց («Էրեբունի» հայկական պարի անսամբլ, Մինսկ) Վահագն Գևորգյանը, լեզվաբան Սուրեն Զաքարյանը (Մինսկի պետական լեզվաբանական համալսարան), արվեստաբան Անի Մարգարյանը (Soochow University) և այլք։