Բլոգեր Դավիթ Մանուկյանը դարձել է «Выжить в Дубае» ռեալիթի շոուի մասնակից

Դավա կեղծանվամբ հայտնի բլոգեր Դավիթ Մանուկյանը Դուբայում մասնակցել է «Выжить в Дубае» ռեալիթի շոուին։ Այս մասին Telegram ալիքում հայտնել է նախագծի հաղորդավար Լյայսան Ուտյաշևան, փոխանցում է News.am-ը:

Ուտյաշևան Մանուկյանի հետ արդեն աշխատել է «Наследники и самозванцы» շոուում։ Հաղորդավարուհին պատմել է, որ բլոգերը երկրորդ անգամ է իրեն «հաճելիորեն զարմացնում»։

«Наследниках и самозванцах»-ում Դավան բացահայտվել է շատ անսպասելի կողմից, և պետք է խոստովանեմ, որ այդ հերոսին շատ հետաքրքիր էր հետևելը։

Հետևաբար, մենք պարզապես չէինք կարող նրան չհրավիրել «Выжить в Дубае»-ի առաջին սեզոնին», — կիսվել է Ուտյաշևան:

«Выжить в Дубае»-ն ռեալիթի շոու է, որին կմասնակցեն սպորտի և շոու բիզնեսի աստղեր, ինչպես նաև տարբեր մասնագիտությունների ներկայացուցիչներ ամբողջ Ռուսաստանից։

Հայտնի մարդիկ և մասնակիցները կբաժանվեն երկու թիմերի, որոնք կկանգնեն ուժի և տոկունության փորձություններին:

Հաղթողները կստանան 10 միլիոն ռուբլի։ Հաղորդավարները կատակերգու Պավել Վոլյան և նրա կինը՝ Լյայսան Ուտյաշևան են։