Արտադրված է Արցախում` շրջափակման պայմաններում. արցախցի առաջինդասարանցիները տեղական արտադրության պայուսակներ կկրեն
10 Օգոստոսի 2023, 16:30
Արցախում առաջին դասարանցիներն այս տարի կկրեն հենց Արցախում արտադրված դպրոցական պայուսակներ։
Այս մասին ֆեյսբուքյան իր էջում գրել է Արցախի նախագահի խորհրդական Լուսինե Ղարախանյանը՝ կից հրապարակելով լուսանկարներ:
Պայուսակի մակնշման տեղում գրված է. «Արտադրված է Արցախում` շրջափակման պայմաններում»։
«Այս գեղեցիկ ծրագիրն ի կատար է ածվում Հայ Կրթական Հիմնարկություն հիմնադրամի շնորհիվ։ Միասնական Հայրենիք ունենալու անփոխարինելի զգացում»,- գրել է Ղարախանյանը:
Արցախի ԿԳՄՍ նախարարությունն էլ հայտնում է, որ «Հայ կրթական հիմնարկություն» հիմնադրամի աջակցությամբ այս տարի առաջին դասարան հաճախող փոքրիկներին թվով 1900 դպրոցական պայուսակ կնվիրեն։ «Սա յուրօրինակ արձագանք է նախարարության կողմից օրերս հայտարարված «Լույսի պայուսակ» ակցիային։ Գտնվել են նաև այլ բարի մարդիկ ու կազմակերպություններ, որոնք իրենց միջոցներով ձեռք են բերել նոր պայուսակներ` առաջինցիներին նվիրելու համար»,-հայտնել է նախարարությունը։
Հիմա եթերում
