Դաշնակահար Իլյա Պապոյանը ելույթ կունենա Մոսկվայի «Նիկո» պատկերասրահում

Մոսկվայի «Նիկո» պատկերասրահում հայազգի ռուս դաշնակահար Իլյա Պապոյանը ապրիլի 2-ին հանդես կգա համերգային ծավալուն ծրագրով:

Դաշնակահարը Ռախմանինովի և Չայկովսկու անվան միջազգային հեղինակավոր մրցույթներում արժանացել է երրորդ մրցանակի և բրոնզե մեդալի։ Անցած աշնանը Պապոյանը կատարել է իր սիրելի կոմպոզիտոր Ռախմանինովի բոլոր կոնցերտները։

«Սերգեյ Վասիլևիչն իմ սիրելի կոմպոզիտորն է։ Պարզապես պետք է հասկանալ Ռախմանինովի հանճարի որոշակի ոճը, և այդ ժամանակ բոլոր դժվարությունները կնահանջեն։ Ինձ հոգեհարազատ է նրա երաժշտությունը»,- հարցազրույցներից մեկում նշել է դաշնակահարը։

Համերգային ծրագրում հնչելու է Ռախմանինովի «Վարիացիաներ Շոպենի թեմայով» շարքը, իսկ առաջին մասում դաշնակահարը կկատարի Բախի «Գոլդբերգ-վարիացիաներ» ստեղծագործությունը։