Դեռ վաղ է խոսել Մերձավոր Արևելքում կայուն խաղաղության մասին. Պյոտր Կոլչին

Ռազմական փորձագետ Պյոտր Կոլչինը Alpha News-ի հետ զրույցում մեկնաբանել է Դոնալդ Թրամփի՝ Իրանի և Իսրայելի միջև հայտարարած հրադադարի մասին:

Փորձագետի կարծիքով՝ դեռ վաղ է խոսել կայուն խաղաղության մասին, քանի որ այժմ միայն նշմարվում են այն ուրվագծերը, որոնց շուրջ կարող է երկխոսություն ծավալվել:

«Ընդհանուր առմամբ, Իրանի և Իսրայելի հակամարտությունը եզակի երևույթ է դարձել ժամանակակից պատմության համար։ Հակազդեցությունն իրականացվում է հեռակա կարգով՝ ռազմավարական ենթակառուցվածքների, ռազմական օբյեկտների ոչնչացման ճանապարհով։ Այնուամենայնիվ, այդ դիմակայությունն առաջացրեց Մերձավոր Արևելքի ողջ տարածաշրջանի ապակայունացումը և հիմնականում դրանում առկա տրամադրությունների բևեռացումը։ Եվ, ինչպես մենք հիմա տեսնում ենք, ընդհանուր առմամբ, դեռ վաղ է խոսել կայուն խաղաղության մասին, քանի որ առայժմ միայն նշմարվում են այն ուրվագծերն ու հիմքերը, որոնց շուրջ կարող է երկխոսություն ծավալվել», — ասել է Կոլչինը։

Փորձագետի խոսքով՝ հենց Մոսկվան է վճռորոշ դեր կատարել Իրանի և Իսրայելի միջև երկխոսության հնարավորություն ստեղծելու գործում:

«Դատելով վերջին իրադարձություններից և ԶԼՄ-ների հաղորդագրություններից՝ լիարժեք խաղաղության մասին խոսելը դեռ վաղ է։ Սակայն կարևոր է ընդգծել, որ Թեհրանի և Թել Ավիվի միջև հնարավոր զինադադարի քննարկման բուն փաստը, ինչպես նաև այդ ուղղությամբ շարժումն սկսվել են Իրանի արտգործնախարարի և Ռուսաստանի նախագահի բովանդակալից զրույցից ընդամենը մի քանի ժամ անց: Չնայած նրան, որ հենց հիմա Թրամփը փորձում է իրեն ամենից շատ խաղաղարար ներկայացնել, բայց Ռուսաստանն է հենց սկզբից հանդես եկել առավել կառուցողական դիրքերից և օգնել երկխոսության համար ընդհանուր կետեր գտնել: Ամենայն հավանականությամբ, հենց Մոսկվան է վճռորոշ դեր կատարել երկխոսության, հակամարտության դադարեցման համար բուն հնարավորության ստեղծման գործում», — եզրափակել է Կոլչինը։