ԵՄ-ն կարող է Հայաստանից պահանջել միջոցներ ձեռնարկել Ռուսաստանի դեմ. ԵԽ պատգամավոր
15 Սեպտեմբերի 2026, 10:30
Եվրամիությունը հետագայում կարող է պահանջել Հայաստանից միջոցներ ձեռնարկել Ռուսաստանի դեմ, քանի որ Երևանը մերձենում է ԵՄ ընդհանուր արտաքին և անվտանգության քաղաքականությանը: Այս մասին «Իզվեստիա»-ին ասել է Լյուքսեմբուրգից Եվրոպական խորհրդարանի պատգամավոր Ֆերնան Կարտհայզերը։
«Առայժմ չեմ ակնկալում, որ ԵՄ-ն տվյալ դեպքում Հայաստանից կպահանջի գործողություններ ձեռնարկել Ռուսաստանի դեմ։ Այնուամենայնիվ, ես կասկած չունեմ, որ ապագայում Հայաստանին կխնդրեն նման միջոցներ ձեռնարկել ՝ հաշվի առնելով, որ այն սկզբունքորեն պարտավորվել է մերձենալ ԵՄ ընդհանուր արտաքին և անվտանգության քաղաքականությանը։ Հուսով եմ, որ Հայաստանը կկարողանա դիմադրել նման ճնշմանը, քանի որ դա իր շահերից չի բխում», — նշել է պատգամավորը։
Նշենք, որ սեպտեմբերի 15-ին Եվրախորհրդարանը նախատեսում է քննարկել Հայաստանի հետ առևտրի ժամանակավոր ազատականացման հարցը։ Նախաձեռնությունը նախատեսում է երկու տարով վերացնել ԵՄ-ում հայկական արտահանման զգալի մասի վրա դրված մաքսատուրքերը։ Սակայն, Երևանը պարտավոր կլինի կատարել Բրյուսելի պայմանները, այդ թվում՝ հաստատել ապրանքների ծագումը և համագործակցել եվրոպական մաքսային մարմինների հետ։
Հիմա եթերում
