«Երևանի ավտոբուս»-ը դիզվառելիքը գնել է շուկայական մանրածախ գնից թանկ․ Մեսրոպ Մանուկյան

2026 թվականի մայիսի 6-ին «Երևանի ավտոբուս» ընկերությունը մեկ անձից գնման ընթացակարգով դիզվառելիք է ձեռք բերել 1 լիտրը 545 դրամով։ Այս մասին Ազգային ժողովում հայտարարել է «Հայաստան» դաշինքի պատգամավոր Մեսրոպ Մանուկյանը։

«Նույն ժամանակահատվածում լցակայաններում մանրածախ գինը կազմել է առավելագույնը 510 դրամ։ Ակնհայտ է, որ մեծածախ գինը պետք է ավելի էժան լիներ։ Երբ քաղաքապետարանին հարցում եմ ուղարկել, ինձ պատասխանել են, թե տնտեսվարողն է այդպիսի գին առաջարկել։ Ինչպե՞ս է ստացվում, որ շուկայում մանրածախը 510 դրամ է, իսկ դուք մեծածախով առնում եք 545 դրամով»,- նշել է Մանուկյանը։

Պատգամավորը հիշեցրել է նաև տրանսպորտային գնումների հետ կապված նախկին դեպքերը, երբ սկզբնական 135 միլիոն դրամի գնումից հետո, հանրային արձագանքի արդյունքում, հաջորդ գնումն իրականացվել էր 96 միլիոն դրամով՝ խնայելով շուրջ 40 միլիոն դրամ։