F-16-երի մատակարարումները ոչինչ չեն փոխի Թուրքիայի և ԱՄՆ-ի խնդրահարույց հարաբերություններում. Կիրիլ Սեմյոնով

12 Փետրվարի 2024, 22:53

Կարծիք | Քաղաքականություն

Քաղաքագետ, Մերձավորարևելյան հակամարտությունների փորձագետ Կիրիլ Սեմյոնովը Alpha News-ի հետ զրույցում մեկնաբանել է այն լուրերը, թե ԱՄՆ Կոնգրեսը հաստատել է Թուրքիայի հետ F-16 կործանիչների գործարքը։

«Սա ոչինչ չի փոխում Թուրքիայի և ԱՄՆ-ի հարաբերություններում, մեծ հաշվով, քանի որ բոլոր այն խնդիրները, որոնք բացասական դեր են խաղացել իրենց հարաբերությունների ձևավորման գործում, իրենց օրակարգի համար, մնում են։ Խոսքը վերաբերում է Հյուսիսային Սիրիայում ԱՄՆ ներկայությանը, քրդական ձախ արմատական խմբավորումներին աջակցելուն և մի շարք այլ հարցերի։

Բնականաբար, Միացյալ Նահանգները, վաղ թե ուշ, ստիպված էր ապաշրջափակել F-16-ի մատակարարումները պարզապես այն պատճառով, որ դրանք այլևս չեն տեղավորվում որևէ շրջանակի մեջ: Քանի որ, ի վերջո, Թուրքիան ՆԱՏՕ-ի անդամ է, անհրաժեշտ է վերազինել իր ռազմական ռազմաբազան, որն արդեն հնանում է։ Թուրքիան F-35 չի ստացել, ուստի գոնե կարող էր հույս դնել F-16-ի վրա։ Ամերիկացիներն այլևս չէին կարող հետաձգել դա՝ հաշվի առնելով այն հանգամանքը, որ Թուրքիան կատարեց ամերիկացիների որոշակի ցանկությունները, այն է՝ Շվեդիային թույլ տալով մտնել Հյուսիսատլանտյան դաշինք։ Ուստի ամերիկացիները պարզապես այլևս հնարավորություն չունեին զսպելու այդ մատակարարումները, նույնիսկ եթե ցանկանային»,- ասել է Սեմյոնովը։

Հիմա եթերում