Գյուղատնտեսությունը Հայաստանում չաճող ոլորտներից է. Էմիլ Ստեփանյան

Հայաստանում գյուղատնտեսությունը ամենավատ աճող կամ նույնիսկ չաճող ոլորտներից մեկն է:

Alpha News-ի հետ զրույցում բացատրում է «Էքսպորտ Արմենիա փորձագետների ասոցիացիայի» համահիմնադիր Էմիլ Ստեփանյանը: Ներկայացնելով ոլորտի պատկերը, մասնագետը նկատում է.

«Պետք չի շատ տխրել, երբ Հայաստանում գյուղոլորտի բիզնեսը երբեմն մի քիչ ավել գումար է աշխատում: Գյուղատնտեսությունում աշխատած ավել գումարը ծածկում է նախորդող տարիների կրած վնասը»:

Ստեփանյանը ուշագրավ թվեր է ներկայացնում.

«Մենք ունենք շատ պինդ երկնիշ աճ առևտրի ոլորտում՝ 20 տոկոսին մոտ, գյուղատնտեսության ոլորտում՝ ընդամենը 1-3 տոկոսանոց աճ, նույնն էլ՝ արդյունաբերությունը»:

Անդրադառնալով ծիրանի խնդրին, Ստեփանյանը մանրամասնում է՝ մրգի հետ կապված այս տարի երկու խնդիր է առաջացել: Ծիրանը ուշ է հասել, իսկ որքան ապրանքը ուշ է հայտնվում արտաքին շուկայում՝ տվյալ դեպքում ՌԴ-ում, այնքան գինն ընկնում է: Վաճառքի գնի վրա ազդել են նաև Վերին Լարսի և ռուբլու արժեզրկման խնդիրները:

«Ռուսական շուկային ծիրան են վաճառում նաև այլ երկրի , օրինակ, Ուզբեկստանի արտադրողները»- նշում է Էմիլ Ստեփանյանը:

Նրա խոսքով՝ այն իր համով մրցունակ չէ հայկականի հետ, բայց գնով և արտաքին տեսքով մրցունակ է:

Նշենք, որ այս տարի, վերջին տարիների համեմատ, հայկական ծիրանի աննախադեպ ցածր գնով է վաճառվումէ: Շուկայում միրգը կարելի է ձեռք բերել մինչև 300 դրամով: