Հակոբ Հակոբյան․ Անուն, առանց որի անհնար է պատկերացնել հայ գեղանկարչությունը

Alpha News-ը շարունակում է ներկայացնել «Ալֆա պերսոնա» շարքը:

Մայիսի 24-ին մեծանուն գեղանկարիչ Հակոբ Հակոբյանի ծննդյան օրն է:

Նկարիչը ծնվել է Եգիպտոսում, հայկական ընտանիքում։ Ուսանել է Կիպրոսի Մելգոնյան վարժարանում։ Մասնագիտական կրթությունը ստացել է Կահիրեի գեղարվեստի (1944-1948) և Փարիզի Գրան Շոմիե ակադեմիաներում (1952-1954)։

Հակոբյանը Խորհրդային Հայաստան է ժամանել արդեն որպես ճանաչված նկարիչ։ Իր պատմական հայրենիքը նկարիչը թարմ հայացքով էր տեսնում՝ մարդկանց մատուցելով այն, ինչը շատերը չէին նկատում։

Հետաքրքիր էր նկարչի կյանքի ուղին. նա 1952-ին մեկնել է Փարիզ ուսանելու։Արդեն 1961 թվականին Հակոբյանը տեղափոխվել է Հայաստան։ 1962 թվականից ապրել է Լենինականում (այժմ՝ Գյումրի)։

Հակոբ Հակոբյանն ակտիվորեն զբաղվել է հասարակական գործունեությամբ։ Նա նույնիսկ ընտրվել է ՀԽՍՀ Գերագույն խորհրդի պատգամավոր։

Մահացել է 2013 թվականի մարտի 8-ին Երևանում։ Թաղված է Կոմիտասի անվան պանթեոնում։