Համազգային թատրոնի «Պենելոպե, օ՜, Պենելոպե» ներկայացման համաշխարհային պրեմիերան՝ Չեխովի անվան փառատոնում
10 Հուլիսի 2025, 20:20
Մոսկվայի Մ․ Ն․ Երմոլովայի անվան դրամատիկական թատրոնում՝ Ա․ Պ․ Չեխովի անվան միջազգային թատերական փառատոնի շրջանակում, տեղի է ունեցել «Պենելոպե, օ՜, Պենելոպե» ներկայացման համաշխարհային պրեմիերան:
Ներկայացումը Ս. Սարգսյանի անվան Համազգային պետական թատրոնի հետ համագործակցության արդյունք էր: Հեղինակը ֆրանսահայ ռեժիսոր և դրամատուրգ Սիմոն Աբգարյանն է, ով նախկինում աշխատել է Պետեր Բրուկի և Արիանա Մնուշկինայի հետ:
Գլխավոր դերը կատարել է Համազգային թատրոնի գեղարվեստական ղեկավար, ՀՀ վաստակավոր արտիստ Նարինե Գրիգորյանը: Նրա խոսքով՝ պիեսն առաջարկում է դասական «Ոդիսական»-ի վերաիմաստավորում. ուշադրությունը Ոդիսևսից տեղափոխվում է Պենելոպայի՝ ՝ նրա նվիրված կնոջ վրա։ Սյուժեի հիմքում Աբգարյանի անձնական պատմությունն է, ում մայրը երկար տարիներ սպասում էր ամուսնու վերադարձին պատերազմից։
Բեմադրությանը մասնակցել են Հայաստանի հայտնի դերասաններ, «Վանական» ռոք խումբը և Համազգային թատրոնի երաժիշտները:
Հիմա եթերում
