Հայ բռնցքամարտիկները 10 մեդալ են նվաճել Վրաստանում կայացած միջազգային մրցաշարում
06 Մայիսի 2025, 13:16
Երիտասարդ հայ բռնցքամարտիկնրը հաջող մրցելույթներ են ունեցել, Վրաստանում կայացած Ակակի Կակաուրիձեի անվան բռնցքամարտի միջազգային մրցաշարում, որին մասնակցում էին Հայաստանի բռնցքամարտի ֆեդերացիայի նախագահ Հովհաննես Հովսեփյանի նախաձեռնությամբ։ Այս մասին հայտնում է Հայաստանի Բռնցքամարտի Ֆեդերացիան:
Կարեն Աղամալյանի գլխավորությամբ մեր երիտասարդական ընտրանին նվաճել է 4 ոսկե, 2 արծաթե և 4 բրոնզե մեդալ։
Իրենց բոլոր մրցակիցներին հաղթել ու պատվո հարթակի ամենավերին աստիճանին են կանգնել 55կգ Վաղարշակ Քեյանը, 65կգ Ալիկ Կճոյանը,
75 կգ Սամվել Սիրամարգյանը, և
90 կգ Սարգիս Անդրեասյանը։
50կգ Վահրամ Դովլաթբեկյանը և
70կգ Արտյոմ Ստեփանյանը նվաճել են արծաթե մեդալ, իսկ
60 կգ Տիգրան Մակիչյանը,
70 կգ Արգիշտի Հակոբյանը,
80 կգ Ալբերտ Հարությունյանը և
85կգ Րաֆֆի Խաչատրյանը նվաճել են բրոնզ։
Հիմա եթերում
