Հայ շախմատիստներն առաջատարներ են շախմատի Եվրոպայի մինչև 20 տարեկանների առաջնությունում
13 Օգոստոսի 2026, 16:00
Գրոսմայստեր Էմին Օհանյանը 5.5 միավորով միանձնյա առաջատար է Մոնտենեգրոյի Ցետինե քաղաքում ընթացող 2026 թվականի շախմատի Եվրոպայի մինչև 20 տարեկան պատանիների առաջնությունում 6 խաղափուլից հետո: Տեղեկությունը հայտնում են Հայաստանի շախմատի ֆեդերացիայից։
Միջազգային վարպետ Ալեքս Սահակյանը 5 միավորով գտնվում է 2-րդ հորիզոնականում:
Միջազգային վարպետ Վահե Սուքիասյանը ունի 4.5 միավոր, իսկ ՖԻԴԵ-ի վարպետներ Ռուդոլֆ Փաշիկյանը և Մանվել Առաքելյանը՝ 4 միավոր:
Աղջիկների առաջնությունում կանանց ՖԻԴԵ-ի վարպետներ Պոլինա Կոբակը և Նվարդ Հայրապետյանը ունեն 4 միավոր:
Առաջնության ավարտին մնացել է 3 խաղափուլ:
7-րդ խաղափուլը կմեկնարկի օգոստոսի 13-ին՝ Հայաստանի ժամանակով 17:00-ին:
Հիմա եթերում
