Հայաստանն Արցախի հարցում որոշումներ է կայացրել ՆԱՏՕ-ի ազդեցության տակ. Զախարովա
03 Ապրիլի 2024, 11:40
Հայաստանն Արցախի հարցում որոշումներ է կայացրել ՆԱՏՕ-ի ազդեցության տակ: Այս մասին «Զվեզդա» հեռուստաալիքի եթերում հայտարարել է ՌԴ ԱԳՆ պաշտոնական ներկայացուցիչ Մարիա Զախարովան՝ կեղծիք որակելով այն հայտարարությունները, որոնցում ասվում է, որ ՌԴ-ն չի օգնել Հայաստանին՝ արցախյան հակամարտության լուծման հարցում։
«Հայտարարությունները, թե Մոսկվան և ՀԱՊԿ-ը չեն օգնել Հայաստանին տարածաշրջանում սրման ժամանակ, սուտ են, Երևանն Ացախի հարցում որոշումներ է կայացրել ՆԱՏՕ-ի ազդեցության տակ: Այս գաղափարը դավանող և տարածողին մեղադրում եմ կեղծիքի մեջ։ Պաշտոնական Երևանն այս որոշումը կայացրել է Արևմուտքի հետ խորհրդակցություններից հետո։ Ես ստի մեջ եմ մեղադրում բոլոր նրանց, ովքեր դավանում և տարածում են Ռուսաստանի և ՀԱՊԿ-ի մեղքի գաղափարը՝ կայացված որոշումների համար»,- նշել է Մարիա Զախարովան։
Նրա խոսքով, Հայաստանի և Ադրբեջանի միջև նոր սրումը կախված է նրանից, թե Հայաստանը որքանով թույլ կտա ԵՄ-ին, ԱՄՆ-ին և Բրիտանիային ապակառուցողականորեն ազդել տարածաշրջանում և երկրում իրավիճակի վրա։
Հիմա եթերում
