«Հաղթանակ 9/45» շարժման ակտիվիստները և ռուսական ռազմակայանի ղեկավարությունը շնորհավորել են վետերան Միխայիլ Սահակյանին
09 Մայիսի 2025, 10:30
Հայաստանում «Հաղթանակ 9/45» շարժման ակտիվիստները և ռուսական ռազմակայանի ղեկավարությունը շնորհավորել են Հայրենական մեծ պատերազմի վետերան Միխայիլ Սահակյանին: Այս մասին իր տելեգրամյան ալիքում տեղեկացնում է «Եվրասիա» ՀԿ-ի հայաստանյան մասնաճյուղը։
«Տոնական համերգն անցկացրեցինք հենց Շնող գյուղում՝ Միխայիլ Գեղամի Սահակյանի տան մոտ։ Նրա համար հնչեցին ռազմաճակատային հայտնի երգեր և մեղեդիներ։ Մայիսի սկզբին 99-ամյա վետերանն ակտիվ մասնակցություն է ունեցել խորհրդային զինվորների զանգվածային գերեզմանի վերականգնմանը. «Եվրասիայի» տղաները կարգի են բերել հուշահամալիրն ու դրա ճանապարհը, բարեկարգել հարակից տարածքը:
Հիշում ենք բազմազգ սովետական ժողովրդի սխրանքը: Մեծ երջանկություն է հնարավորություն ունենալ շփվել վետերաններից մեկի հետ»,- ասվում է հրապարակման մեջ:
Հիմա եթերում
