Հայաստանում ՌԴ ռազմաբազայի նպատակահարմարության մասին դատողությունները վնասակար են. ՌԴ ԱԳՆ
28 Դեկտեմբերի 2023, 12:30
![](https://media.alphanews.am/wp-content/uploads/2023/12/28103156/Lavrov_101223.jpg)
Ռուսական ռազմաբազան Հայաստանում գտնվում է պայմանագրի համաձայն, հանրապետության տարածքում դրա նպատակահարմարության մասին մտածելը վնասակար է։ Այս մասին ՏԱՍՍ-ին տված բացառիկ հարցազրույցում հայտարարել է ՌԴ ԱԳ նախարար Սերգեյ Լավրովը։
«Վնասակար ենք համարում Հայաստանի տարածքում ռուսական 102-րդ ռազմաբազայի գտնվելու նպատակահարմարության վերաբերյալ դատողությունները։ Դրա տեղակայման մասին պայմանագիրը կնքվել է 1995 թվականի մարտի 16-ին՝ առաջին հերթին հենվելով ազգային շահերի և Հարավային Կովկասում կայունության ամրապնդման մեր պետությունների ընդհանուր խնդրի վրա», — նշել է նախարարը։
Լավրովը նշել է, որ այսօր ռուս զինվորականները «այս տարածաշրջանում խաղաղության ապահովման առանցքային տարրն են»: