Հայաստանը երկրորդ տեղում է ՌԴ-ից խոզերի ներմուծման ծավալով

Ռուսաստանի Դաշնությունն ավելացրել է կենդանի խոզերի արտահանման ծավալները․ հունվար- մայիսին արտերկիր է ուղարկվել ավելի քան 113 հազար գլուխ՝ գրեթե 20 միլիոն դոլար ընդհանուր արժեքով։ Նշված տվյալները չեն ներառում մայիսին ԵԱՏՄ երկրների վերաբերյալ տվյալները։

Կենդանի խոզերի խոշորագույն գնորդը Վրաստանն է, որտեղ մատակարարումների ծավալը գերազանցել է 15 միլիոն դոլարը։ Երկրորդ տեղում Հայաստանն է, որը ՌԴ-ից ավելի քան 4 միլիոն դոլարի խոզ է ներմուծել։ Երրորդ տեղում Ղազախստանն է՝ շուրջ 400 հազար դոլարի ներմուծման ծավալով։

Համեմատության համար նշենք, որ նախորդ տարվա նույն ժամանակահատվածում ՌԴ-ն արտահանել էր շուրջ 86 հազար խոզ՝ ավելի քան 14 միլիոն դոլար ընդհանուր արժեքով։

Այսպիսով, ընթացիկ տարվա առաջին հինգ ամիսներին ՌԴ-ի կողմից կենդանի խոզերի արտահանման ծավալները զգալիորեն աճել են ինչպես քանակական, այնպես էլ արժեքային արտահայտությամբ։