Հայաստանը նվաճեց 2026 թվականի պատանեկան օլիմպիական խաղերի առաջին ուղեգիրը

Հայաստանը նվաճել է 2026 թվականի պատանեկան օլիմպիական խաղերի իր առաջին հաստատված ուղեգիրը։ Խաղերը կանցկացվեն Սենեգալի մայրաքաղաք Դակարում։ Երկիրը մեկ տեղ է ստացել տղամարդկանց բռնցքամարտի մինչև 65 կգ քաշային կարգում։

Որակավորման մրցաշարում Հայաստանը մինչև 65 կգ քաշային կարգում ներկայացրել է Սուրեն Կատվալյանը։

Բռնցքամարտի որակավորման գործընթացն ավարտվել է․ World Boxing-ը բոլոր 120 ուղեգրերը բաշխել է 79 ազգային օլիմպիական կոմիտեների ներկայացուցիչների միջև։ Մրցումներին կմասնակցեն 60 պատանի և 60 աղջիկ, ինչի շնորհիվ կապահովվի լիարժեք գենդերային հավասարություն։ Մասնակիցները կներկայացնեն բոլոր հինգ մայրցամաքները։