Հայաստանը թակարդն է ընկնում. Ելենա Անանևան՝ Մեծ Բրիտանիայի «օգնության» մասին
11 Մարտի 2024, 21:51
Ռուսաստանի Գիտությունների ակադեմիայի Եվրոպայի ինստիտուտի Բրիտանական հետազոտությունների կենտրոնի ղեկավար Ելենա Անանևան մեկնաբանել է լուրերն այն մասին, որ Մեծ Բրիտանիան խոստացել է աջակցել Հայաստանին «Ռուսաստանի պատասխան քայլերի սպառնալիքների» դեպքում։
Փորձագետի կարծիքով՝ Հայաստանի վարչապետ Նիկոլ Փաշինյանը ցանկանում է Հայաստանն ինտեգրել արևմտյան կառույցներին, բայց դրանից լավ բան չի ստացվի։
«Դա մի պատգամավորի հարց էր, պատգամավորից մինչև պաշտպանության փոխնախարար, և խոսքը վերաբերում էր նրան, որ Բրիտանիան կարող է զենք մատակարարել Երևանին։ Բայց, իհարկե, Հայաստանն այս դեպքում թակարդն է ընկնում ։ Հարկ է հիշեցնել, որ ոչ վաղ անցյալում բրիտանական հետախուզության ղեկավար Ռիչարդ Մուրը Երևան էր եկել։ ՀՀ վարչապետ Նիկոլ Փաշինյանը պատրաստվում է Հայաստանը պոկել Ռուսաստանից և ներկառուցել արևմտյան կառույցներում, իսկ Բրիտանիան հենց այնտեղ է։ Իսկ այն, որ Հայաստանի համար դրանից ոչ մի լավ բան չի ստացվի, միանգամայն ակնհայտ է, քանի որ Բրիտանիան շատ մոտ է Ադրբեջանին և Թուրքիային»,- ասել է Անանևան։
Նրա խոսքով՝ «Բրիտանիայի համար գլխավորը Հայաստանը Ռուսաստանից պոկելն է, և դրա համար կօգտագործվի ցանկացած դեմագոգիա»։
«Հայաստանը փոքր պետություն է, այնտեղ հազիվ 3 միլիոն բնակչություն կա, Իսկ Թուրքիան ՆԱՏՕ-ի անդամ է, ՆԱՏՕ-ում երկրորդ ամենամեծ բանակն է, իսկ Ադրբեջանը նավթով հարուստ տարածաշրջան է, այնպես որ այստեղ բնական է՝ Մեծ Բրիտանիան հետաքրքրություն ունի Թուրքիայի և Ադրբեջանի նկատմամբ, ինչպես նաև ցանկություն ունի պարզապես Ռուսաստանին դուրս մղել Կովկասից», — եզրափակել է Անանևան:
Հիմա եթերում
