Հայերենը Կուրսկի մարզում երկրորդ ամենատարածված մայրենի լեզուն է

Սեպտեմբերի 8-ին նշվում է Ռուսաստանի ժողովուրդների լեզուների օրը։ 2020 թվականի մարդահամարի տվյալներով՝ Կուրսկի մարզի շուրջ 943 հազար բնակիչ նշել է իր մայրենի լեզուն։

Մարզի բնակիչների 98,3 տոկոսը մայրենի է համարել ռուսերենը։ Երկրորդ տեղում հայերենն է՝ այն որպես մայրենի լեզու նշել է մարզի բնակիչների 0,5 տոկոսը։ Երրորդ տեղում ուկրաիներենն է՝ 0,2 տոկոս ցուցանիշով։

Բացի այդ, Կուրսկի մարզի բնակիչները որպես մայրենի լեզու նշել են նաև գնչուերենը, թուրքերենը, ուզբեկերենը և տաջիկերենը։ Ընդհանուր առմամբ, այս լեզուները որպես մայրենի նշել է մարզի բնակչության ավելի քան 1 տոկոսը։