Հայկական արմատներով ուսուցչուհու հաղթանակը. Փարվանա գյուղից մինչև Կանտի միջազգային օլիմպիադա

Փարվանա գյուղի միջնակարգ դպրոցի ուսուցչուհի Կարինե Առաքելյանը Ռուսաց լեզվի 1-ին միջազգային մանկավարժական օլիմպիադայի ընտրական փուլի հաղթողներից է։ Ընտրական փուլի 11 հաղթողների թվում Կարինե Առաքելյանը կմեկնի Կալինինգրադ։

Կարինեն 11 տարի է՝ անգլերեն և ռուսերեն է դասավանդում Փարվանա գյուղի դպրոցում։ 2016 թվականին ռուսերեն առարկայից ստացել է ավագ ուսուցչի կարգավիճակ։

Ակտիվ ուսուցչուհի է, ինչպես ինքն է նշում, անընդհատ մասնակցում է թրեյնինգների, տարբեր նախագծերի, և օլիմպիադաների։

«Սա իմ երկրորդ օլիմպիադան է, առաջին օլիմպիադային մասնակցել եմ Մոսկվայի բիոտեխնիկական համալսարանում, որից ստացել եմ դիպլոմ։ Երկրորդը եղել է Կանտի համալսարանի օլիմպիադան», – պատմել է Կարինեն։