Արցախում «Հայոց պատմություն» առարկայից անց է կացվել միասնական քննություն
28 Հունիսի 2023, 08:48
![](https://media.alphanews.am/wp-content/uploads/2023/06/27125647/183411.jpg)
Այսօր՝ հունիսի 27-ին, անց է կացվել ընդունելության միասնական քննություն «Հայոց պատմություն» առարկայից։
«Արցախպրես»-ի թղթակցի հաղորդմամբ՝ միասնական քննությունն ընթանում է համար 6 հիմնական և համար 8 ավագ դպրոցներում ստեղծված քննական կենտրոններում։
![Нет описания.](https://scontent.fevn6-2.fna.fbcdn.net/v/t1.15752-9/356868696_134707019606080_351511445460938027_n.jpg?_nc_cat=103&ccb=1-7&_nc_sid=ae9488&_nc_ohc=0f8YRdvDaIMAX_kcQv_&_nc_ht=scontent.fevn6-2.fna&oh=03_AdSPsmBFIF5M0docjmeH0mWXi54eQNdwDygdRM_F5U5UoA&oe=64C21B67)
«Քննությանը հայտագրված ոչ բոլոր դիմորդներն են ներկայացել քննական կենտրոն։ Սակայն, ընդհանուր առմամբ, դիմորդների թիվը համարում ենք բավարար։ Ժամը 08:30-ին սկսել ենք կազմակերպչական աշխատանքները, իսկ 09:25-ին՝ տրվել է քննության մեկնարկը։ Դիմորդները հանգիստ մթնոլորտում աշխատում են։ Հույս ունենք, որ արդյունքները գոհացուցիչ կլինեն»,- «Արցախպրես»-ի թղթակցի հետ զրույցում ասել է համար 8 դպրոցում ստեղծված քննական կենտրոնի ղեկավար Լյովա Գևորգյանը։
Նա նշել է, որ քննության արդյունքները հայտնի կլինեն հինգ օր անց։