Հայտնի թավջութակահար Սուրեն Բագրատունին ելույթ կունենա Մարիինյան թատրոնում
![](https://media.alphanews.am/wp-content/uploads/2023/06/27121446/1a1d30c0-3f40-4b9c-981d-b1b50e8a2604.jpg)
Հայ անվանի երաժիշտ, Չայկովսկու 17-րդ միջազգային մրցույթի «Թավջութակ» բաժնի ժյուրիի անդամ Սուրեն Բագրատունին (ԱՄՆ) հանդես կգա Մարիինյան թատրոնի սիմֆոնիկ նվագախմբի հետ՝ Վալերի Գերգիևի ղեկավարությամբ:
Համերգը կկայանա հուլիսի 2-ին Սանկտ Պետերբուրգում:
Սուրեն Բագրատունին Միչիգանի համալսարանի թավջութակի վաստակավոր պրոֆեսոր է, որտեղ ղեկավարում է լարային գործիքների ամբիոնը: Մասնակցում է ազգային և միջազգային մրցույթների՝ որպես ժյուրի, վարպետության դասեր է տալիս ամբողջ աշխարհում:
Մենահամերգներով և կամերային համերգներով հանդես է եկել մի շարք երկրների փառատոններում:
Նրա պատվերով ստեղծվել և առաջին անգամ կատարվել են բազմաթիվ համերգներ և պիեսներ թավջութակի և համույթների համար։
Նրա սկավառակագրությունը (դիսկոգրաֆիա) ներառում է 20 ալբոմ, որոնք էլ իրենց հերթին ներառում են Բախի, Բեթհովենի, Բրամսի, Չայկովսկու, Դեբյուսիի, Ռախմանինովի, Պրոկոֆևի, Շոստակովիչի, Բաբաջանյանի սոլո և անսամբլային ստեղծագործությունները և համաշխարհային և ամերիկյան պրեմիերաների մի շարք ձայնագրություններ։