Ժորժ Պիտոև․ Բեմի արքան | Ալֆա HISTORY
Դերասան Ժորժ Պիտոևը, իսկական անունը՝ Գևորգ Հովհաննեսի Պիտոյանը, ֆրանսիացի դերասան և թատերական ռեժիսոր է։ Ֆրանսիական հայտնի «Cartel des Quatre» թատերական խմբակի հիմնադիրներից մեկն էր, որն առանցքային դեր է խաղացել ժամանակակից Ֆրանսիայի թատերական արվեստի ձևավորման գործում։
Պիտոևը ծնվել է 1885 թվականին Թիֆլիսում՝ հայ արդյունաբերող Պիտոյանների հայտնի ընտանիքում։ Չնայած ստացած փայլուն տեխնիկական և իրավաբանական կրթությանը՝ սովորել է Մոսկվայի, Սանկտ Պետերբուրգի և Փարիզի լավագույն համալսարաններում, Պիտոևն իր կոչումը տեսնում է թատրոնում: 1912 թվականին Սանկտ Պետերբուրգում նա ստեղծում է նոր և երիտասարդ թատերախումբ, հաջողությամբ բեմադրում է ռուս և արտասահմանյան հեղինակների մի շարք պիեսներ։
1915 թվականին Ֆրանսիայում Ժորժը հանդիպել է ռուս դերասանուհի Լյուդմիլա Սմանովային, ով դարձել է Պիտոևի կինը և իր ժամանակի ամենահայտնի ֆրանսիացի դերասանուհիներից մեկը։ 1915-1921 թվականներին Պիտոևներն աշխատել են Շվեյցարիայում, իսկ 1922 թվականին Փարիզում բացվել է Ժորժ Պիտոևի անվան թատրոնը։ Փարիզի բեմում բեմադրված առաջին ներկայացումներից ամենանշանակալին Չեխովի «Քեռի Վանյան» և «Ճայը» էին։ Պիտոևն առաջին ռեժիսորն էր, ով կարողացավ ֆրանսիացի հանդիսատեսին ցույց տալ Չեխովի դրամայի նուրբ հոգեբանությունը: Նա արժանիորեն վայելել է ականավոր ռեժիսորի և բարեփոխիչի համբավը։ Նա բացահայտում է Իբսենին, Պիրանդելլոյին և Բեռնարդ Շոուին Ֆրանսիայի համար։
Ընդհանուր առմամբ, իր կարճատև կյանքի ընթացքում Պիտոևը բեմադրել է ավելի քան 200 պիես, 100-ից ավելի հեղինակի և խաղացել նույնքան դերեր: 1926 թվականին նշանավոր ռեժիսորներ Լուի Ժուվեի, Շառլ Դալլինի և Գաստոն Բատինի հետ միասին հիմնում է «Cartel des Quatre» նորարար խմբակը։
Ընդհանրապես, իր կարճ կյանքի ընթացքում Պիտոևը բեմադրել է ավելի քան 200 պիես, 100-ից ավելի հեղինակի և նույնքան դեր կատարել։ 1926 թվականին ականավոր ռեժիսորներ Դուլեն Ժուվեի և Բատի Պիտոևի հետ միասին նա դրել է ժամանակակից ֆրանսիական թատրոնի հիմքը՝ «Չորսի կարտելը»։
20-րդ դարի ֆրանսիական մշակույթի խոշորագույն գործիչներից մեկը՝ գրող, բանաստեղծ, դրամատուրգ և կինոռեժիսոր Ժան Կոկտոն գրել է.
«Ժորժ Պիտոև. ո՞վ էր նա՝ դերասա՞ն, ռեժիսո՞ր: Անհնար է ստույգ սահմանում տալ։ Իսկապես քահանայական նվիրումով իրեն նվիրելով թատրոնին՝ նա բացահայտեց թատրոնի իրական իմաստը, նրա ոգեղենությունն ու նպատակը, որը նման է կրոնական պաշտամունքի։ Նա թատրոնի սուրբն էր»։
Alpha HISTORY-ը պատմական դիմանկարների անիմացիոն շարք է, որտեղ հակիրճ ու բովանդակալից պատմություններով ներկայացված են հայտնի հայերը, որոնք շրջել են պատմության ալիքը և ճանաչված են ամբողջ աշխարհում:
