Հոկտեմբերի 10-ից ուժի մեջ կմտնեն Հայաստանի համար ԵՄ առևտրային արտոնությունները
10 Հոկտեմբերի 2026, 18:40
Եվրահանձնաժողովը ուրբաթ հայտարարել է, որ հոկտեմբերի 10-ից երկու տարի ժամկետով Հայաստանի համար կգործեն նոր առևտրային արտոնություններ։ Այդ միջոցառումները նախատեսում են դեպի Եվրամիություն հայկական արտահանման գրեթե 80 տոկոսի ժամանակավոր ազատականացում։
Արտոնությունները կտարածվեն թարմ մրգերի, բանջարեղենի և ծաղիկների արտահանման գրեթե ամբողջ ծավալի վրա, որը տուժել է Ռուսաստանի սահմանած սահմանափակումների հետևանքով։ Բացի այդ, կազատականացվի խմիչքների և ալկոհոլային արտադրանքի արտահանման ավելի քան 91 տոկոսը։
Եվրահանձնաժողովում հույս ունեն, որ այս միջոցառումները կօգնեն հայ արտադրողներին ընդլայնել իրացման շուկաները, ավելացնել արտահանումը դեպի Եվրամիություն և մեղմել ռուսական պատժամիջոցների բացասական հետևանքները։
Այնուամենայնիվ, չնայած տրամադրվող արտոնություններին՝ եվրոպացի արտադրողների համար կսահմանվեն որոշակի պայմաններ և պաշտպանական մեխանիզմներ։
Հիմա եթերում
